اساتذہ اپنا کردار و مرتبہ پہچانیں، باعمل مسلمان اور محب وطن نسل کی تیاری وقت کی اہم ضرورت ہےٗ ڈاکٹر حمیرا طارق

سیکرٹری جنرل حلقہ خواتین جماعت اسلامی پاکستان ڈاکٹر حمیرا طارق نے کہا کہ اساتذہ اپنا مرتبہ و کردار کو پہچانیں، اپنی تعلیم کے ذریعے میں نئی نسل کو باعمل مسلمان اور محب وطن شہری بنائیں۔اگر ہم نے اپنے حصے کا کام کر لیا تو ان شاء اللہ وہی نسل تیار ہوگی جس کی تیاری کے شاعر مشرق  علامہ اقبال خواہش مند تھے  ۔ مانسہرہ میں اساتذہ کنونشن  سے خطاب کرتے ہوئے انہوں نے کہا کہ پاکستان کا تعلیمی نظام طبقات میں تقسیم ہے، ایلیٹ ادارے افسر بناتے ہیں، جبکہ غریب کے بچے اپنی قابلیت کے باوجود کلرک یا مزدور بننے پر مجبور ہیں۔ نظام تعلیم نظریہ کی بنیاد پر قائم ہوتا ہے۔جس کے نتیجے میں نئی نسل  ترقی کا سفر طے کرتی ہے۔ہمارا نظام تعلیم ایسی چراگاہ ہے جسے ہر ایک بغیر سوچ اور نظریے کے چلا رہا ہے۔عقیدے کی بنیاد پر بننے والے ملک پاکستان کو طبقاتی نظام تعلیم نے کھوکھلا کر دیا ہے۔امیر امیر تر اور غریب کا بچہ کلرک ہی بنے گا۔آج قدروقیمت ذہانت کی نہیں بلکہ پیسے کی ہے ڈگریاں خریدی اور بیچی جاتی ہیں۔ این جی اوز کے تعلیمی اداروں میں سرگرمیاں ہیں۔بندشوں سے آذاد مغربی ایجنڈے کے یہ بیوپاری ہمارے بچوں کو وہ سب سکھاتے ہیں جو ہماری معاشرتی اقدار اور مذہبی تعلیمات کے سراسر خلاف ہیں۔ڈپٹی سیکرٹری اور ڈائریکٹر میڈیا سیل ثمینہ سعید  نے کہاکہ معلمہ کا کردار صرف نصاب پڑھانا نہیں بلکہ بچوں کے دلوں میں خودی، غیرت، حب الوطنی اور دین سے وابستگی پیدا کرنا ہے۔ تعلیم کے ذریعے نوجوان نسل کو مغربی فکر کا غلام نہ بننے دیں۔ اساتذہ ہی وہ قوت ہیں جو کسی بھی نصاب کو اپنی فکر اور انداز سے حکمت و بصیرت کا ذریعہ بنا سکتے ہیں۔ کنونشن  سے خطاب کرتے ہوئے ڈپٹی سیکرٹری اور اور نگران شعبہ تعلیم عفت سجاد نےکہا کہ والدین اور استاد مل کر بچے کی تربیت کرتے ہیں ہمیں اپنے بدلتے لائف اسٹائل کو کنٹرول کرنا ہوگا۔تعلیمی اداروں میں بچے کے کچے ذہن میں جو چیزیں ڈالی جا رہی ہیں ان پر نظر رکھنا آج کا چیلنج ہے۔عقیدے سے متصادم نظریات ہمارے بچوں کو نہ دین کا رہنے دیتے ہیں نہ دنیا کا۔۔

                   ڈپٹی سیکرٹری عائشہ سید نے کہا کہ  طبقاتی نظام تعلیم ختم کیا جائے۔نصاب تعلیم کو جدید تقاضوں سے ہم آہنگ کیا جائے۔اساتذہ کی ٹریننگ کا اہتمام نظام تعلیم کا لازمی حصہ ہو خواتین اساتذہ کیلئے سہولیات اور تحفظ فراہم کرنا حکومت کی ذمہ داری ہے ۔۔اس موقع پر  ڈاکٹر رفعت ناظمہ حلقہ ہزارہ  نے گورنمنٹ اور پرائویٹ اساتذہ کی محرومیوں کے ازالے کی ضرورت پر زور دیتے ہوئے کہا اساتذہ قوم کا وقار اور طلباء کے لیے مشعل  راہ ہیں ، جس قوم نے استاد کو عزت اور جائز مقام نہیں دیا ، اس قوم نے ترقی اور عروج کی راہ کھو دی  - ٹیچرز کنونشن میں گورنمنٹ اور پرائیویٹ اساتذہ کی کثیر تعداد نے شرکت کی