جماعت اسلامی کی جانب سے یوم استحصال اور یوم حقوق کشمیر و فلسطین منایا گیا

حلقہ خواتین جماعت اسلامی پاکستان کی سیکرٹری جنرل ڈاکٹر حمیرا طارق نے کہا ہے کہ امیر جماعت اسلامی پاکستان حافظ نعیم الرحمن کی ہدایت پر5اگست کو ملک بھر میں یوم استحصال کشمیر اور یوم حقوقِ کشمیر و فلسطین منایا گیا
یہ دن بھارتی فوج کے اس جارحانہ اقدام کے احتجاج میں منایا جاتا ہے جب  پانچ اگست 2019ء کو بھارت کی حکومت نے ایک انتہائی متنازع قدم اٹھاتے ہوئے جموں و کشمیر کی خصوصی آئینی حیثیت کو ختم کر دیا۔ یہ دن کشمیری عوام اور عالمی برادری کے لیے نہایت اہم اور افسوسناک دن بن چکا ہے کیونک آرٹیکل 370 اور 35A بھارتی آئین کے وہ آرٹیکل تھے جن کے تحت جموں و کشمیر کو خصوصی خودمختاری حاصل تھی
کشمیری عوام کو ان کے آئینی حقوق سے محروم کر دیا گیا-
انہوں نے کہا کہ اس جارحانہ اقدام کے بعد کشمیر میں بھارتی فوج کی تعداد میں اضافہ ہوا، کرفیو، انٹرنیٹ بندش اور سیاسی قیادت کی گرفتاری دیکھنے میں آئی۔
پاکستان نے شدید مذمت کی اور پانچ اگست کو "یومِ استحصالِ کشمیر" قرار دیا۔ انہوں نے کہا کہ اسرائیل ٹرمپ کی سرپرستی میں غزہ میں بد ترین قتل عام کررہا ہے-نہتے عوام پر بھوک اور پیاس مسلط کی جارہی ہے-  اسرائیلی درندگی اور مظالم کے خلاف دنیا سراپا احتجاج ہے اور غزہ میں جنگ بندی کیلئے مظاہرے کررہی ہے مگر امریکہ پوری ڈھٹائی سے اسرائیل کی حمایت اور سرپرستی کرتے ہوئے غزہ میں قتل عام کروا رہا ہے۔۔        کشمیر اور اسرائیل میں انسانی حقوق کی بد ترین خلاف ورزی کے خلاف جماعت اسلامی نے ملک بھر احتجاجی ریلیاں منعقد کیں  - دروس اور دیگر اجتماعات میں مسلمانوں کی  نسل کشی اور مظالم کے بارے میں آگاہی دی  گئی - انسانی حقوق کی تنظیموں کو کشمیر و فلسطین  میں ہونے والی دھشت گردی پر ہم آواز ہونے کی اپیل کی گئی-