میڈیا سیل | Jamaat-e-Islami Women Wing
October 21st, 2017 (1439محرم30)

میڈیا سیل

تعارف شعبہ ابلاغ

جماعت اسلامی حلقہ خواتین اقامت دین کے لیئے ہر میدان میں سعی وجہد میں مصروف عمل ہے میڈیا سیل کا قیام بھی انہیں کوششوں میں سے ایک ہے۔ جماعت اسلامی حلقہ خواتین نے اپنے 4ابلاغی شعبہ جات و ادارہ جات کے درمیان باہمی اشتراک و تعاون اورمنصوبوں میں ہم آہنگی کے ساتھ عملدرآمد اور بہتر نتائج کے حصول اور نگرانی کے لیے انکی اپنی انفرادی حیثیت کے ساتھ شعبہ ابلاغ ( میڈیا سیل )کے تحت منسلک کیا ہے۔میڈیا سیل کے تمام شعبے اپنے اپنے دائرے میں مندرجہ ذیل مقاصد کے حصول کی کوشش کریں گے۔ان چار ابلاغی شعبہ جات میں نشرواشاعت،دعوہ اینڈ انفارمیشن ریسورس سینٹر ((DIRC ،روشنی میڈیا پروڈکشن ،حریم ادب شامل ہیں اسکے علاوہ سوشل میڈیا بھی میڈیا سیل کی زیر نگرانی کام کرتا ہے۔
مقاصد میڈیا سیل:
۱۔دعوت الیٰ اللہ کی ترویج
۲۔صحافت کے اسلامی اصولوں کی روشنی میں شعبے سے وابستہ افراد کی تربیت
۳۔جماعت اسلامی حلقہ خواتین کی سرگرمیوں کی کوریج اور اسکے ذریعے امیج بلڈنگ
۴۔ابلاغ کے تمام جدید اور عمومی طریقے اور ذریعے استعمال کرتے ہوئے معاشرے میں خیر وبھلائی کے پیغام کی قبولیت اور شر کے خلاف مزاحمتی قوت کی بیداری اور رائے عامہ کی ہمواری
۵۔میدان ابلاغ (میڈیاوادب) سے وابستہ خواتین سے روابط کے ذریعے نظریاتی بنیادوں پرذہن سازی وہمنوائی پیدا کرنا
۶۔جدید ابلاغی ضرورتوں سے ہم آہنگ کرنے کے لئے شعبے سے وابستہ افراد کی تربیت

نشرواشاعت
* خیرکا پھیلاؤ اور شر کی مزاحمت
*ذرائع ابلاغ کے ذریعے اپنے نقطۂ نظر کی وضاحت۔ اسلامی نظریہ حیات کیلئے اس دائرہ عمل میں سعی کرنا۔
* پرنٹ اور الیکٹرانک میڈیا سے وابستہ صحافیات سے رابطہ اور حلقہ خواتین کی سرگرمیوں کی کوریج
*معاشرے میں پھیلائے جانے والے باطل نظریات پر بروقت ردِ عمل کا اظہار کرنا۔
*اقامتِ دین کیلئے کہ جانے والی کوششوں کو ذرائع ابلاغ کے ذریعے منظر عام پر لانا اور عوام الناس تک پہنچانا ۔
* صحافتی اہلیت کی قلمکار خواتین تیار کرنا۔
*خواتین صحافیات تک اسلامی صحافت کی ترویج قلمی جہاد میں حصہ لینے کیلئے ان کی حوصلہ افزائی۔

شعبہ حریم ادب
۱۹۵۰ ؁ ء میں علمی و ادبی ذوق رکھنے والی خواتین کے لیے حلقہ بزم تعمیر ادب اسلامی خواتین کا قیام عمل میں آیا ۔ جس کی نگران اعلی حمیدہ بیگم تھیں ۔
* ادب میں اسلامی تہذیب و اسلامی اقدار کا اثبات اور ادب کے حوالے سے ان اقدار کا تعارف
*علمی اور ادبی سطح پر غیر اسلامی نظریات کی تردید اور ان کی اشاعت و فروغ کی سختی سے مخالف
*نظریہ پاکستان کی اہمیت سے آگاہی اور اس کے فروغ کی جدو جہد
* ادبی نگارشات کے ذریعے مثالی اسلامی معاشرے کی تصویر
* نو آموز قلمکار خواتین کی تعمیری ، فکری ، اور شائستہ ادب سے روشناسی اور حوصلہ افزا ئی ۔
* اسلام کے معاشرتی و اخلاقی اصول اور حقوق و فرا ئض کی تعلیم اور وضاحت۔
*ادب میں اخلاص ،صالح فکر اور پاکیزہ عملی جد وجہد کی پرورش۔
*اہل قلم خواتین کو ادبی دائرے میں منظم و منسلک کرنے کے لیئے ادبی نشستوں کا انعقاد
* کل پاکستان مقابلہ کہانی وافسانہ نگاری و مشاعرہ کا انعقاد
*سالانہ ادبی مجلہ کا اجراء
*ششماہی یا سالانہ کنونشن کا انعقاد

سوشل میڈیا
سوشل میڈیا دعوت کا ایک وسیع میدان ہے جہاں جدید سہولیات کے ساتھ اس کا استعمال پاکستانی معاشرے میں بہت تیزی سے وسعت پذیرہے۔ جماعت اسلامی حلقہ خواتین نے بھی دعوت کے اس وسیع اور اہم میدان میں اپنی دعوت کے فروغ کے لیئے کچھ بتدائی اصول و ضوابط اور اغراض ومقاصد کیساتھ اترنے کا فیصلہ کیا ۔الحمد جماعت اسلامی اپنے کارکنان کی ہر میدان میں رہنمائی و تربیت کا فریضہ انجام دیتی ہے لہذا سوشل میڈیا کے میدان کے لیے مرکز کی طرف سے اغراض و مقاصد اورکچھ اصول و ضوابط نظر ثانی کے ساتھ طے کئے گئے ہیں جوان شااللہ تنظیم کی مضبوطی ،دعوت کی ترویج اور فردکی اپنی تربیت کے لیے معاون و مددگار ہونگے۔
اغراض ومقاصد سوشل میڈیا برائے حلقہ خواتین جماعت اسلامی
*خیر کا پھیلاؤ اور شر کی مزاحمت
*دعوت دین کا پھیلاوٗ
*جماعت اسلامی کا تعارف عام کرنا،تنظیمی وشعبہ جاتی سرگرمیوں کی تشہیر(خصوصاً حلقہ خواتین کی)
* خواتین سے رابطے،ذہن سازی اورساتھ جوڑنے کی کوشش
*پیغامات اور تنظیمی مواد کی فوری ترسیل
*اپنا نقطہ نظر دوسروں تک پہنچانا،
*مہمات کی تشہیر
*میڈیا مانیٹرنگ اور ردعمل
* دوسری جماعتوں کی سرگرمیوں سے آگاہی اور کمزوریوں کی نشاندہی

روشنی میڈیا پروڈکشن
اسکے تحت جماعت اسلامی حلقہ خواتین کے دعوتی آڈیو ،ویڈیو دروس کی ریکارڈنگ،اصلاحی، دعوتی اور تربیتی لیکچرز ،شارٹ کلپس ،انٹرویوز ریکارڈنگ ایڈیٹنگ اور دیگر فنی امور انجام پاتے ہیں۔جماعت اسلامی خواتین کے نظم اور اسکے شعبہ جات کی تعارفی سی ڈیز ،ٓڈیو ویڈیا گرافکس اور ڈیزائیننگ،مختلف اسکالرز کی تفاسیر قرآن کی سی ڈیزکے علاوہ بچوں کے حوالے سے بھی تعمیری اور تذکیری سی ڈیز بنائی جاچکی ہیں۔تیار مواد کی ذیلی سطح تک ترسیل اور جدید ذرائع ابلاغ کے استعمال کے ذریعے تمام مواد کی عوام الناس تک رسائی کو ممکن بنانا۔

دعوۃ اینڈ انفارمیشن ریسورس سینٹر(DIRC)
یہ شعبہ جماعت اسلامی حلقہ خواتین کی ویب سائٹ چلانے کا زمہ دار ہے ۔اسکے علاوہ مختلف موضوعات پر ہفتہ وار آن لائن لیکچرزکی زمہ داری بھی بحسن خوبی اداکرتا ہے۔ویب سائٹ پر تنظیمی سرگرمیوں کی تشہیر کے ساتھ ساتھ یہاں پر آنے والے کو اہم موضوعات پرکتب ،مضامین اورآڈیو ویڈو لیکچرزکی وسیع تعدادبھی دستیاب ہے۔ویب سائٹ پر جماعت اسلامی حلقہ خواتین اور اسکے شعبہ جات کا مکمل تعارف موجود ہے۔