September 23rd, 2018 (1440محرم12)

جماعت اسلامی کی نائب ناظمہ، میڈیا سیل انچارج سمیت دیگر ذمہ داران نے کالام، اتروڑ کا تنظیمی دورہ کیا   

جماعت اسلامی حلقہ خواتین سوات کی نائب ناظمہ حلقہ خواتین رابعہ پائندہ ، میڈیا سیل انچارج کلثوم وقار سمیت دیگر ذمہ داران نے کالام، اتروڑ کا تنظیمی دورہ کیا ۔اس موقع پر دو یونین کونسلوں کے چار ویلج کونسلز میں خواتین تنظیم اور ممبرسازی کی گئی اور مختلف مقامات پر خواتین کے بڑےاجتماعات کا انعقاد کیا گیا ۔ ۔کالام ،اوشو مٹلتان اور اتروڑ گبرال میں مختلف مقامات پر خواتین اجتماعات سے خطاب کرتے ہوئے نائب ناظمہ حلقہ خواتین جماعت اسلامی ضلع سوات رابعہ پائندہ نے کہا کہ اسلام نے خواتین کو جو مقام دیا ہے وہ کسی اور مذہب میں نہیں ہے ۔ خواتین حدود اللہ کے اندر رہتے ہوئے حقیقی اسلامی فلاحی ریاست کے لئے اپنا کردار ادا کریں ۔جماعت اسلامی حقیقی معنوں میں خواتین حقوق کی محافظ جماعت ہے ۔ آنے والے الیکشن میں خواتین اپنا ووٹ جماعت اسلامی کی حق میں استعمال کریں ۔ جماعت اسلامی اقتدار میں آکر خواتین مسائل کو ترجیحی بنیادوں پر حل کرے گی۔