July 21st, 2018 (1439ذو القعدة8)

جماعت اسلامی حقیقی معنوں میں خواتین کی محافظ جماعت ہے۔ دردانہ صدیقی

جماعت اسلامی حلقہ خواتین پاکستان کے مرکزی سیکرٹری جنرل دردانہ صدیقی نے کہا کہ عورت نسلوں کی محافظ ہے خواتین نے ہر مشکل قوت میں مردوں کے شانہ بشانہ اسلام اور ملک کے لئے قربانیاں دی ہیں۔تلوار اور قلم کے بعد عورت ہی بڑی طاقت ہےجو حقیقی تبدیلی لاسکتی ہے۔ خواتین ملک میں حقیقی تبدیلی کے لئے جماعت اسلامی کا ساتھ دیں۔ان خیالات کا اظہار انہوں نے اوڈیگرام میں جماعت اسلامی حلقہ خواتین کے زیر اہتمام منعقدہ خواتین کنونشن سے خطاب کرتے ہوئے کیا۔کنونشن سے جماعت اسلامی حلقہ خواتین پاکستان کے ڈپٹی جنرل سیکرٹری ایم این اے عائشہ سید، صوبائی ناظمہ عنایت باجی، مرکزی نائب قیمہ سکینہ شاہد اور ضلعی ناظمہ سعدیہ حیدر نے بھی خطاب کیا ۔سابقہ ایم این اے جمیلہ احمد اور ضلعی میڈیا انچارج کلثوم وقار بھی موجود تھی۔مرکزی جنرل دردانہ صدیقی نے کہا کہ حقیقی تبدیلی عورت کی کردار کے بغیر ممکن ہی نہیںخواتین ملک کی ترقی میں اپنا مثبت کردار ادا کریں ۔ آنے والے الیکشن میں عورت کا کردار مثبت ہونا چاہیے خواتین اپنا ووٹ اسلامی انقلاب اور فلاحی ریاست کے لئے جماعت اسلامی کے حق میں استعمال کریں