July 21st, 2018 (1439ذو القعدة8)

کشمیر ، فلسطین کے مسلمان ریاستی دہشت گردی کا شکار ہیں،اسما سفیر

ناظمہ کراچی جماعت اسلامی حلقہ خواتین اسما سفیر نے مقبوضہ کشمیر، فلسطین اور افغانستان میں شہادتوں اور سینکڑوں بے گناہوں کے زخمی ہونے کے واقعات کی شدید مذمت کی ہے اور اسے بدترین دہشت گردی قرار دیتے ہوئے کہا ہے کہ مظلوم اور نہتے مسلمانوں کی شہادت پر اقوام متحدہ اور دیگر ممالک کی خاموشی افسوسناک ہے۔ انسانی حقوق کی دعویدار تنظیمیں بھی اپنا کردار ادا کرنے میں ناکام رہی ہیں۔ حکومت پاکستان سمیت عالم اسلام کے حکمرانوں نے خاموشی اختیار کر رکھی ہے۔ انہوں نے پُرزور مطالبہ کیا ہے کہ اقوام متحدہ، عالمی برادری اور پاکستان سمیت تمام ممالک اپنا کردار ادا کرتے ہوئے فوری طور پر ان مظالم کا سلسلہ رکوائیں۔ بھارت اپنے مذموم عزائم سے کشمیر کا جذبہ، حریت دبا نہیں سکتا۔ ان شاء اللہ ایک دن کشمیری اور فلسطینی عوام کی جدوجہد ضرور کامیاب ہوگی۔