September 19th, 2018 (1440محرم8)

اسلامی کتاب گھر سے منسلک سیمینار ہال کا افتتاح 

اسلامی کتاب گھر سے منسلک سیمینار ہال کا چیئر پرسن جامعۃ المحصنات تحسین فاطمہ نے فیتہ کاٹ کر افتتاح کیا، اس موقع پر ناظمہ کراچی اسماء سفیر بھی موجود تھیں۔ انہوں نے کارکنان کو خراج تحسین پیش کیا اور سیمینار ہال کی تعمیر میں بھرپور مالی معاونت پر شکریہ ادا کیا۔ دریں اثنا کارکن سازی کی کلاس کی اختتامی تقریب سے خطاب کرتے ہوئے ناظمہ تیموریہ زون سمیعہ اسلم نے کہا کہ علم انبیائے کرام کی میراث ہے جو علم ہم تک پہنچتا ہے اسے آگے پھیلانا ہمارا دینی فریضہ ہے۔انہوں نے کہا کہ کارکنان پوری منصوبہ بندی اور بھرپور تیاری کے ساتھ گھر گھر جا کر خواتین سے رابطہ کریں۔ جماعت اسلامی کا کام سیاسی نعرے بازی نہیں، جماعت اسلامی صرف سیاسی جماعت نہیں ہے بلکہ اقامت دین کی تحریک ہے، جو نہ رکنے والی جدوجہد ہے۔ جبکہ ناظمہ ضلع وسطی مسرت جنید نے کلاس کے شرکا کی حوصلہ افزائی کے لیے ان میں تحائف تقسیم کیے اور منتظمین کی کاوشوں کو سراہا۔